BLPOST9

តម្លៃភាគហ៊ុនរបស់ក្រុមហ៊ុន Intel បានធ្លាក់ចុះ ១៧% ដែលជាថ្ងៃដ៏អាក្រក់បំផុតមិនធ្លាប់មានចាប់តាំងពីឆ្នាំ ២០២៤ មក ខណៈដែលបញ្ហាសង្វាក់ផលិតកម្មបានបាំងបិទនូវភាពជោគជ័យនៃប្រាក់ចំណេញដែលទទួលបាន។

💡 ចំណុចសំខាន់ៗដែលអ្នកគួរដឹង

បច្ចេកវិទ្យា 14A ជាក្តីសង្ឃឹមធំបំផុតរបស់ Intel ដើម្បីប្រជែងជាមួយ TSMC ប៉ុន្តែវាត្រូវចំណាយពេលយូរពេក (រហូតដល់ឆ្នាំ ២០២៨)។
បញ្ហា AI ខណៈដែល Nvidia កំពុងនាំមុខគេលើបន្ទះឈីប AI ក្រុមហ៊ុន Intel ហាក់ដូចជានៅយឺតយ៉ាវក្នុងយុទ្ធសាស្ត្រមួយនេះ។
Foundry Business ការព្យាយាមក្លាយជាអ្នកផលិតឈីបឱ្យគេ គឺជាការផ្លាស់ប្តូរគំរូអាជីវកម្មដ៏ធំ ដែលត្រូវការការវិនិយោគ និងពេលវេលាច្រើន។

អាជីវកម្មរោងចក្រផលិតបន្ទះឈីប (Foundry business) របស់ក្រុមហ៊ុន Intel បានបង្ហាញលទ្ធផលទាបជាងគូប្រជែងជាយូរមកហើយ ខណៈដែលគូប្រជែងទាំងនោះកំពុងប្រមូលផលចំណេញយ៉ាងមហាសាលពីការផ្ទុះឡើងនៃតម្រូវការបញ្ញាសិប្បនិម្មិត (AI) នៅក្នុងមជ្ឈមណ្ឌលទិន្នន័យ (Data center)។ ក្រុមវិនិយោគិនកំពុងស្វែងរកភាពច្បាស់លាស់អំពីអតិថិជនរបស់រោងចក្រផលិតបន្ទះឈីបនេះ ដើម្បីជាកម្លាំងរុញច្រានបន្ទាប់សម្រាប់តម្លៃភាគហ៊ុន។ គួរជម្រាបថា អាជីវកម្មរោងចក្រផលិតបន្ទះឈីបរបស់ក្រុមហ៊ុន គឺជាអ្នកទទួលផលិតបន្ទះឈីបឱ្យក្រុមហ៊ុនដទៃទៀត។ លោក David Zinsner ប្រធានផ្នែកហិរញ្ញវត្ថុ (CFO) បានប្រាប់ ថា ក្រុមហ៊ុន Intel រំពឹងថានឹងមានអតិថិជនសម្រាប់បច្ចេកវិទ្យាជំនាន់ថ្មី 14A របស់ខ្លួន នៅក្នុងឆមាសទីពីរនៃឆ្នាំនេះ។ ប៉ុន្តែក្រុមអ្នកវិភាគនៅ RBC Capital Markets បានព្រមានថា "ការរួមចំណែកចំណូលដ៏មានន័យ" ពីអតិថិជនបច្ចេកវិទ្យា 14A នេះ ប្រហែលជាមិនទាន់លេចចេញជារូបរាងរហូតដល់ចុងឆ្នាំ ២០២៨ ឯណោះ។ ក្រុមអ្នកវិភាគនៅ Jefferies បានសរសេរថា៖ «យើងទទួលស្គាល់នូវភាពរំភើបនាពេលថ្មីៗនេះចំពោះឱកាសសម្រាប់ក្រុមហ៊ុន Intel (INTC) ប៉ុន្តែយើងនៅតែមិនទាន់ឃើញមានផ្លូវដើរទៅមុខច្បាស់លាស់នៅឡើយទេ ដោយសារតែការបន្តបាត់បង់ចំណែកទីផ្សារ កង្វះយុទ្ធសាស្ត្រ AI ច្បាស់លាស់ និងឱកាសមិនច្បាស់លាស់ក្នុងការវេចខ្ចប់បន្ទះឈីប (Fab/Packaging)»។ ទោះបីជាមានការព្យាករណ៍មិនសូវល្អក៏ដោយ ក៏ក្រុមហ៊ុន Intel សម្រេចបានប្រាក់ចំណេញ និងចំណូលប្រចាំត្រីមាសទីបួន ខ្ពស់ជាងការរំពឹងទុករបស់ Wall Street។