Blpost

ក្រុមហ៊ុន Café Amazon ដែលជាបណ្តាញហាងកាហ្វេដ៏ធំបំផុតរបស់ប្រទេសថៃ និងជាបុត្រសម្ព័ន្ធរបស់ក្រុមហ៊ុនប្រេងរដ្ឋ PTT Oil and Retail Business (PTTOR) បានសម្រេចចិត្តដកថយទាំងស្រុង ដោយបាន បិទទ្វារហាងទាំងអស់របស់ខ្លួននៅក្នុងប្រទេសវៀតណាម។ ការសម្រេចចិត្តនេះត្រូវបានចាត់ទុកជាការបរាជ័យយុទ្ធសាស្ត្រដ៏ធំមួយសម្រាប់ក្រុមហ៊ុនក្នុងការពង្រីកខ្លួនទៅកាន់ទីផ្សារអាស៊ីអាគ្នេយ៍ដ៏មានសក្តានុពលមួយ។
Café Amazon បានចាប់ផ្តើមប្រតិបត្តិការនៅវៀតណាមដំបូងក្នុងឆ្នាំ ២០១៩ ដោយបើកហាងដំបូងរបស់ខ្លួននៅទីក្រុងហូជីមិញ ជាមួយនឹងមហិច្ឆតាដ៏ធំក្នុងការប្រកួតប្រជែងជាមួយម៉ាកយីហោអន្តរជាតិ និងក្នុងស្រុក។
ក្រោយប្រតិបត្តិការអស់ជាច្រើនឆ្នាំ ហាង Café Amazon មិនអាចទទួលបានចំណែកទីផ្សារគួរឱ្យកត់សម្គាល់ឡើយ ដោយសារតែទីផ្សារកាហ្វេវៀតណាមត្រូវបានគ្រប់គ្រងដោយក្រុមហ៊ុនយក្សក្នុងស្រុកដូចជា Trung Nguyên (Coffee King) និង Highlands Coffee ដែលមានតម្លៃទាបជាង រសជាតិត្រូវមាត់អ្នកប្រើប្រាស់ក្នុងស្រុក និងមានបណ្តាញចែកចាយយ៉ាងទូលំទូលាយ។
Café Amazon ត្រូវបានគេចាត់ទុកថាមានលក្ខណៈខ្ពស់ជាងបណ្តាញកាហ្វេក្នុងស្រុកភាគច្រើន ដែលធ្វើឱ្យពួកគេពិបាកប្រកួតប្រជែងជាមួយអ្នកប្រើប្រាស់វៀតណាមដែលប្រកាន់ខ្ជាប់នូវរសជាតិកាហ្វេប្រពៃណី។
ហាងដែលនៅសេសសល់ទាំងអស់នៅក្នុងទីក្រុងហូជីមិញ និងហាណូយត្រូវបានបិទជាបន្តបន្ទាប់ ដោយក្រុមហ៊ុនបានបញ្ជាក់ថា ខ្លួននឹងផ្តោតលើការពង្រីកនៅទីផ្សារដទៃទៀតដែលទទួលបានជោគជ័យជាង។ ម៉្យាងវិញទៀត Café Amazon កំពុងដើសអូសជើងប៉ប៉ាក់ប៉ប៉ើក នៅក្នុងប្រទេសកម្ពុជាក្រោយពេលសៀមបានចូលមកឈ្លានពាន។