Tesla រាយការណ៍ពីការធ្លាក់ចុះប្រាក់ចំណេញ ៤៦% ក្នុងឆ្នាំ ២០២៥ ខណៈ BYD ដណ្ដើមបានតំណែងលេខ ១ លើការលក់រថយន្តអគ្គិសនី

ក្រុមហ៊ុន Tesla រាយការណ៍ពីការធ្លាក់ចុះប្រាក់ចំណូល និងប្រាក់ចំណេញក្នុងឆ្នាំ ២០២៥ ខណៈកំពុងងាកទៅរកបច្ចេកវិទ្យា AI និងរ៉ូបូត

💡 ចំណុចសំខាន់ៗដែលអ្នកគួរដឹង

• ការធ្លាក់ចុះនៃចំណូល និងប្រាក់ចំណេញ៖ ប្រាក់ចំណូលសរុបក្នុងឆ្នាំ ២០២៥ ធ្លាក់ចុះ ៣% (៩៤,៨៣ ពាន់លានដុល្លារ) ខណៈប្រាក់ចំណេញសុទ្ធធ្លាក់ចុះយ៉ាងខ្លាំងដល់ទៅ ៤៦% (៣,៧៩ ពាន់លានដុល្លារ)។
• ការលក់រថយន្តធ្លាក់ចុះ ក្នុងឆ្នាំ ២០២៥ Tesla ប្រគល់រថយន្តបានប្រហែល ១,៦៤ លានគ្រឿង ដែលជាការធ្លាក់ចុះ ២ ឆ្នាំជាប់គ្នា។
• បាត់បង់តំណែងលេខ ១ ជាលើកដំបូងក្នុងប្រវត្តិសាស្ត្រ ដែលបរិមាណលក់រថយន្តអគ្គិសនីរបស់ Tesla ត្រូវបានវ៉ាដាច់ដោយក្រុមហ៊ុនចិន BYD។

យោងតាមរបាយការណ៍ហិរញ្ញវត្ថុចុងក្រោយបង្អស់ដែលបានចេញផ្សាយកាលពីថ្ងៃពុធ ក្រុមហ៊ុនផលិតរថយន្តអគ្គិសនីរបស់សហរដ្ឋអាមេរិក Tesla បានបង្ហាញពីការធ្លាក់ចុះនៃប្រាក់ចំណូល និងប្រាក់ចំណេញសុទ្ធសម្រាប់ឆ្នាំកន្លងទៅ។
ប្រាក់ចំណូលសរុបរបស់ Tesla ក្នុងឆ្នាំ ២០២៥ សម្រេចបាន ៩៤,៨៣ ពាន់លានដុល្លារអាមេរិក ដែលធ្លាក់ចុះ ៣ ភាគរយធៀបនឹងឆ្នាំមុន ខណៈដែលប្រាក់ចំណេញសុទ្ធដែលគណនាតាមគោលការណ៍គណនេយ្យទូទៅ (GAAP) បានធ្លាក់ចុះដល់ទៅ ៤៦ ភាគរយ មកនៅត្រឹម ៣,៧៩ ពាន់លានដុល្លារ។
ក្រុមហ៊ុនបានប្រគល់រថយន្តចំនួនប្រហែល ១,៦៤ លានគ្រឿងនៅទូទាំងពិភពលោកក្នុងឆ្នាំ ២០២៥ ដែលជាការធ្លាក់ចុះប្រចាំឆ្នាំជាលើកទីពីរជាប់ៗគ្នា។ លើសពីនេះ បរិមាណលក់រថយន្តអគ្គិសនីប្រចាំឆ្នាំរបស់ Tesla ក៏ត្រូវបានវ៉ាដាច់ជាលើកដំបូងដោយក្រុមហ៊ុនផលិតរថយន្តចិន BYD ផងដែរ។
នៅក្នុងត្រីមាសទី ៤ Tesla បានប្រគល់រថយន្តចំនួន ៤១៨,២២៧ គ្រឿង ធ្លាក់ចុះ ១៦ ភាគរយធៀបនឹងរយៈពេលដូចគ្នាកាលពីឆ្នាំមុន។ ប្រាក់ចំណូលក្នុងរយៈពេលដដែលនេះបានធ្លាក់ចុះ ៣ ភាគរយ មកនៅត្រឹម ២៤,៩ ពាន់លានដុល្លារ ខណៈដែលប្រាក់ចំណេញសុទ្ធបានធ្លាក់ចុះយ៉ាងគំហុកដល់ ៦១ ភាគរយ មកនៅត្រឹម ៨៤០ លានដុល្លារ។
នៅក្នុងរបាយការណ៍ដដែល Tesla បានបញ្ជាក់ថា ខ្លួនបានបន្តការផ្លាស់ប្តូរក្នុងឆ្នាំ ២០២៥ ពីក្រុមហ៊ុនដែលផ្ដោតលើផ្នែករឹង (Hardware) ទៅជាក្រុមហ៊ុន "AI រូបវន្ត" (Physical AI) វិញ។ នៅក្នុងឆ្នាំ ២០២៦ ក្រុមហ៊ុនមានផែនការវិនិយោគបន្ថែមលើ "ហេដ្ឋារចនាសម្ព័ន្ធចាំបាច់ ដើម្បីគាំទ្រដល់ថាមពលស្អាត ការដឹកជញ្ជូន និងរ៉ូបូតស្វ័យប្រវត្ត"។
Tesla ក៏បានឱ្យដឹងផងដែរថា ខ្លួនគ្រោងនឹងបង្ហាញរូបរាងរ៉ូបូតដែលមានរូបរាងដូចមនុស្ស (Humanoid robot) ម៉ូដែល Optimus កំណែទី ៣ (Gen 3) នៅក្នុងត្រីមាសទី ១ នៃឆ្នាំនេះ។ ការត្រៀមលក្ខណៈសម្រាប់ខ្សែសង្វាក់ផលិតកម្មដំបូងកំពុងដំណើរការ ដោយរំពឹងថានឹងចាប់ផ្តើមផលិតនៅមុនដំណាច់ឆ្នាំ ២០២៦ ហើយផែនការសមត្ថភាពផលិតចុងក្រោយត្រូវបានកំណត់ឱ្យដល់ ១ លានគ្រឿងក្នុងមួយឆ្នាំ។

-17%

Curren Luxury Sport

$45.63 $55

Curren Luxury Sport

$45.63