Blpost

ទឹកជ្រោះប៊ូស្រាគឺជារមណីយដ្ឋានធម្មជាតិដ៏ល្បីល្បាញនិងទាក់ទាញ បំផុតប្រចាំខេត្តមណ្ឌលគិរី ដែលស្ថិតនៅ ឃុំ ប៊ូស្រា ស្រុក ពេជ្រាដា។ ទឹកជ្រោះមួយនេះត្រូវបានភ្ញៀវទេសចរទាំងជាតិ និង អន្តរជាតិ ចាត់ទុកជាបេះដូងនៃខេត្ត មណ្ឌលគិរី ដែលមិនអាចមើលរំលងបាននៅ ពេលទៅដល់ទីនោះ។

លក្ខណៈ សម្គាល់

ទីតាំង និង ចម្ងាយ: ទឹកជ្រោះ ប៊ូស្រា មានចម្ងាយប្រមាណ ៣៣ ទៅ ៤៣ គីឡូម៉ែត្រ ពីទីរួមខេត្ត ក្រុងសែនមនោរម្យ។ ល្បាក់ទឹកធ្លាក់: ទឹកជ្រោះនេះត្រូវបានចែកចេញជា បី ដំណាក់ ដែល នីមួយៗមានភាពស្រស់ស្អាតនិងទំហំខុសៗគ្នា៖

ដំណាក់ ទី១៖ ដំណាក់នេះជាកន្លែងដែលភ្ញៀវទេសចរនិយម ទស្សនា ច្រើនជាងគេមានកម្ពស់ប្រហែល ៨ ទៅ ១២ ម៉ែត្រ នៅរដូវវស្សា និង ១០ ទៅ ១៥ ម៉ែត្រ នៅរដូវប្រាំង។

ដំណាក់ ទី២៖ មានចម្ងាយប្រហែល ១៥០ ម៉ែត្រពីដំណាក់មានកម្ពស់ធ្លាក់ខ្ពស់ជាងដំណាក់ ទី១

ដំណាក់ ទី៣៖ ជាល្បាក់ទឹកធ្លាក់ដ៏លឿននិងខ្លាំងជាងគេ ប៉ុន្តែភ្ញៀវ ទេសចរមិនអាចទៅដល់បានទេដោយសារជាតំបន់ព្រៃក្រាស់ និង គ្រោះថ្នាក់ ។

ភាព ទាក់ទាញ

ទឹកជ្រោះប៊ូស្រា ផ្តល់ជូននូវទិដ្ឋភាពធម្មជាតិដ៏ ស្រស់ត្រកាលជាមួយ នឹងទឹកហូរធ្លាក់យ៉ាងត្រជាក់ស្រឹបអមដោយព្រៃឈើខៀវស្រងាត់ ព័ទ្ធ ជុំវិញ។ ភ្ញៀវទេសចរអាចងូតទឹកកម្សាន្តលេងទឹកត្រជាក់ ឬ សម្រាក លំហែកាយក្រោមម្លប់ឈើ និង ជំនោរចំហាយទឹកជ្រោះ។ លើសពី នេះក៏មាន សេវាកម្មអាហារ និង កន្លែងអង្គុយលេងជាច្រើនផងដែរ។ សរុបមកទឹកជ្រោះប៊ូស្រាមិនត្រឹមតែជាកន្លែងទេសចរណ៍ដ៏សំខាន់ នោះទេថែមទាំងជាទីកន្លែងសម្រាប់ បន្សាប អារម្មណ៍តានតឹង និង រក្សាទុកនូវអនុស្សាវរីយ៍ដ៏ ផ្អែមល្ហែមជាមួយនឹងធម្មជាតិដ៏ស្រស់បំព្រងរបស់ខេត្ត មណ្ឌលគិរី ផងដែរ។